ख़िरडी गवाजवळ ब्लैक स्पॉट रस्त्याच्या कड़ेला जड़वाहन उभी गड़चांदुर कोरपना महामार्ग ठरतो जीवघेणा

चंद्रपुर कार्यालय प्रतिनिधि

गड़चांदुर ( सविस्तर वृत्त )

गडचांदूर परिसरात राष्ट्रीय महामार्ग 353B लगत, खिर्डी गावाजवळ उभारलेले ‘बालाजी ट्रान्सपोर्ट’चे अवैध ट्रान्सपोर्ट यार्ड गेल्या काही महिन्यांपासून चर्चेचा विषय ठरत आहे. या ठिकाणी एनएचएआयची परवानगी न घेता मोठ्या प्रमाणात ट्रक, ट्रेलर आणि सीमेंट वाहतूक करणारी वाहने थांबवली जात असून, वाहतूक पोलिसांचे अप्रत्यक्ष संरक्षण मिळत असल्याचे गंभीर आरोप स्थानिक नागरिकांकडून होत आहेत.

विशेष म्हणजे, या ठिकाणी गडचांदूर वाहतूक विभागातील पोलिस कर्मचारी हे “निरीक्षण” करीत असतात. मात्र नागरिकांमध्ये प्रश्न उपस्थित झाला आहे की, हे निरीक्षण वाहतूक शिस्तीचे आहे का, की संरक्षणाच्या नावाखाली बालाजी ट्रान्सपोर्टला दिलेले गुप्त पाठबळ आहे?

🚛 अवैध यार्ड, थेट महामार्ग प्रवेश

‘बालाजी ट्रान्सपोर्ट’ने खिर्डी गावच्या हद्दीत असलेल्या कृषि जमिनीवर अनधिकृतरीत्या ट्रान्सपोर्ट यार्ड उभारले आहे. या ठिकाणी थेट राष्ट्रीय महामार्गावरून प्रवेशमार्ग (Approach Road) तयार करण्यात आला आहे. राष्ट्रीय महामार्ग प्राधिकरण (NHAI) कडून यास कोणतीही परवानगी मिळालेली नाही. त्यामुळे हे यार्ड पूर्णपणे बेकायदेशीर आहे.

महामार्गावरून थेट प्रवेशामुळे अपघातांचा धोका वाढला आहे. रस्त्याच्या कडेला सतत ट्रक, ट्रेलर उभे राहत असल्याने वाहतूक कोंडी, ध्वनी व वायू प्रदूषण वाढले आहे.

👮‍♂️ पोलिस निरीक्षण की संरक्षण?

स्थानिक नागरिकांनी सांगितले की, “दररोज वाहतूक पोलिसांचा एक कर्मचारी या ठिकाणी येतो. निरीक्षणाच्या नावाखाली वाहनांची चौकशी होते, पण थोडक्यात कारवाही करतात पण उलट त्या ठिकाणी वाहने निर्धास्तपणे उभी केली जातात.”

नागरिकांमध्ये अशी चर्चा आहे की, वाहतूक पोलिस आणि ट्रान्सपोर्ट चालकांमध्ये काही ‘गुप्त व्यवहार’ सुरू आहेत, त्यामुळेच या अवैध पार्किंगकडे जाणीवपूर्वक दुर्लक्ष केले जाते.

⚖️ कायद्याच्या स्पष्ट अटींचा भंग

राष्ट्रीय महामार्ग अधिनियम, 1956 आणि Control of National Highways (Land and Traffic) Act, 2002 नुसार, कोणालाही महामार्गावर थेट प्रवेशमार्ग, गेट किंवा पार्किंग तयार करण्याचा अधिकार नाही.
तसेच, महसूल विभागाच्या नियमांनुसार कृषि जमिनीवर व्यावसायिक वापर (ट्रान्सपोर्ट यार्ड) करण्यासाठी NA परवानगी आवश्यक असते. या ठिकाणी कोणतीही अशा स्वरूपाची परवानगी नसल्याचे स्पष्ट झाले आहे.

🗣️ नागरिकांचा सवाल

परिसरातील नागरिकांचा रोष ओसंडून वाहत आहे.

> “महामार्गावर अवैध पार्किंगमुळे दररोज जीव मुठीत घेऊन प्रवास करावा लागतो. पोलिस अधिकारी तिथे रोज येतात, पण कारवाई नाही. हे निरीक्षण आहे की संगनमत, याचे उत्तर प्रशासनाने द्यावे!” – स्थानिक रहिवासी.

🧾 तपासाची मागणी

या सर्व प्रकाराची चौकशी NHAI, जिल्हाधिकारी चंद्रपूर, तसेच वाहतूक विभागाच्या वरिष्ठ अधिकाऱ्यांनी तातडीने करावी, अशी नागरिकांची मागणी आहे.
तसेच संबंधित वाहतूक पोलिस कर्मचारी यांच्या भूमिकेचीही सखोल चौकशी करण्याची मागणी करण्यात येत आहे.राष्ट्रीय महामार्गांवरील वाहतूक शिस्त राखण्याची जबाबदारी पोलिसांची असते. पण त्याच पोलिसांकडून जर अवैध यार्डना संरक्षण मिळत असेल, तर तो कायद्याचा आणि जनतेच्या विश्वासाचा विश्वासघात आहे.
प्रशासनाने त्वरित चौकशी करून या प्रकरणात जवाबदार अधिकार्‍यांवर कडक कारवाई करणे आवश्यक आहे. अन्यथा येत्या काळात या महामार्गावर मोठा अपघात होण्याची शक्यता नाकारता येत नाही.